Gınnestiń rekordtar kitabyna engen QURAN KÁRІM
ASTANA. 2 qazan. QazAqparat - Sırııa turǵyny qasıetti Qurannyń tolyq mátinin óz qolymen kestelep shyqty. Naǵyz óner týyndysyna aınalǵan onyń bul eńbegi Gınnes rekordtar kitabyna «Pannoǵa jippen kestelengen alǵashqy kitap» retinde enetin boldy, dep jazady muslim.kz.
Muhammed Hardı - Aleppo qalasynyń turǵyny. Pannoǵa qasıetti Qurannyń tolyq mátinin túsirý úshin 12 jylyn sarp etken.
«Bala kezimnen Quran mátinin kesteleýdi armandadym. Kesteleýdiń barlyq qyr-syryn úırengennen keıin armanymdy júzege asyrýǵa kiristim. Aldymen jekelegen aıattardy kesteledim. Artynan «ál-Ýaqıǵa» súresin», - deıdi ol.
Ol bul jumysyn 2000 jyly bastaǵan eken. Árbir teri muqabaǵa 2.5 júzden ornalastyrdy. Paraq uzynynan - 80 sm, al eni - 60 sm. Mundaı muqabanyń salmaǵy - 15 keli.
«Barlyq Quran mátinin kesteleýge 8 jylym ketti. Biz altyn jip pen qara barqytty paıdalandyq. Sodan úsh birdeı ımam eki jyl boıy kitaptyń durys-burystyǵyn tekserdi. Syrtqy muqabasyn bezendirýge taǵy eki jyl ketti», - dedi ol jumys barysynan habar berip.
Qazan aıynyń 10-y kúni onyń bul eńbegi Dýbaıdaǵy kórmege qoıylady. Sodan soń, ózgeshe óner týyndysy Sırııaǵa, Lıvanǵa, Katarǵa, Kýveıtke, Birikken Arab Ámirlikterine jáne Túrkııaǵa jóneltiledi.
