Gınnestiń rekordtar kitabyna engen alyp asyq qańsyp dalada jatyr
ASTANA. QazAqparat - Gınnestiń rekordtar kitabyna engen, EHRO tórinde turýy tıis alyp asyq qańsyp dalada jatyr. Bul jańalyqpen QR Investıtsııalar jáne damý mınıstrligi Aqparattyq qamtamasyz etý departamentiniń dırektory Berik Ýálı Feısbýktegi paraqshasynda bólisti, dep habarlaıdy QazAqparat.
«Alty Alashqa málim bolǵan alyp asyqtyń taǵdyry alańdatady. 50 myń dana asyqtan toqylyp jasalǵan alyp asyqty 2 aı buryn EXPO kórmesine qoıady eken dep jańalyqtardan kórsetip edi. Endi mine, Gınnestiń rekordtar kitabyna engen 2 tonnalyq alyp asyq joǵaryda ýáde etilgen kórmede emes, kúnge qańsyp palatkanyń astynda tur. Belgisiz sebeptermen EXPO-ǵa barmaı qalǵan asyqty Bolat myrza endi Ulttyq mýzeıge tapsyrýǵa daıyn», - dep jazdy ol.
Aıta keteıik, osyǵan deıin QazAqparat Astana qalasy ákimdigine silteme jasaı otyryp, Shyǵys Qazaqstan oblysynyń turǵyny EKSPO kórmesine alyp asyqty syıǵa tartqanyn habarlaǵan bolatyn. ShQO-nyń Tarbaǵataı aýdanyndaǵy Yrǵyzbaı áýlıe murajaıynyń dırektory Bolat Taǵabaı alyp dúnıeni jasap shyǵýǵa 50 myń kádimgi asyq paıdalanǵan, onyń uzyndyǵy - 4 metr, al bıiktigi - 3 metr.
