Gınnestiń rekordtar kitabyna engen akter 100 jasqa toldy
ASTANA. QazAqparat - Reseı Federatsııasynda tanymal teatr jáne kıno akteri, KSRO-nyń Halyq ártisi Vladımır Zeldın 100 jasqa tolǵan mereıtoıyn atap ótti, dep habarlady VVS.
V.Zeldın Tambov oblysynda dúnıege kelgen. Shyǵarmashylyq qyzmetin 1930-shy jyldary bastaǵan. Kınoǵa alǵash ret 1939 jyly túskenimen (Grıgorıı Roshaldiń «Oppengeımniń otbasy» kartınasy), 1941 jyly Ivan Pyrevtiń «Shoshqa baǵýshy áıel men malshy» fılminde basty róldi somdaǵannan keıin ǵana tanymal boldy.
Qazirgi kezde akter osydan 70 jyl buryn jumysqa ornalasqan Máskeýdegi Reseı áskeri teatrynda jumys isteıdi.
Qartaıǵan ýaqytynda da sahnaǵa shyǵyp júrgen álemdegi jalǵyz akter retinde Vladımır Zeldınniń esimi Gınnestiń rekordtar kitabyna engizilgen.
