Gınnesstiń rekordtar kitaby 2014 jyldyń basty jetistikterin atady
ASTANA. QazAqparat - Gınnesstiń rekordtar kitabynyń avtorlary 2014 jyldyń basty jetistikterin atady. Bul joly shólmek tyǵyndarynan bóshke úlgisindegi alyp mozaıka qurastyrǵan reseılik-frantsııalyq komanda jeńiske jetti.
Kompozıtsııanyń aýmaǵy - 150 sharshy metr. Ony jasaý úshin 285 myń tyǵyn men 270 keli jelim qajet boldy. «Alyp bóshke» ataýyn alǵan mozaıkada ejelgi Grekııa qudaılary, Sankt-Peterbor men Bordo kórinisteri beınelengen. 2014 jyldyń jazynda bul jumys Frantsııa qalasynyń jaǵalaýynda ótken jyl saıynǵy sharap festıvaliniń aıasynda usynylǵan. Týyndynyń avtorlary - reseılik Sergeı Sıdorov pen Frantsııa azamatshasy Elvıra Gazızova.
Jyldyń basty jetistigi Gınnesstiń rekordtar kitabynyń saıtyndaǵy daýys berý qorytyndylary boıynsha anyqtaldy. Saıtqa kirýshiler aldymen fınalǵa shyqqandar arasynan alty jetistikti tańdady. «Alyp bóshkeden» basqa, olardyń arasyna Portýgalııa, AQSh jáne Japonııa turǵyndarynyń ornatqan rekordtary engen. Odan keıin daýys berýge qatysýshylar jeńimpazdy anyqtady.
