Gınness kitabyna jeti ret engen jelaıaq Atyraýdaǵy marafonǵa qatysady
ATYRAÝ. QazAqparat - 6 mamyr kúni Atyraý halqy aýqymdy sporttyq sharanyń kýási bolady.
Tuńǵysh ret uıymdastyrylǵaly otyrǵan buqaralyq júgirý marafonyna 2 myń atyraýlyq qatysýǵa nıet bildirgen. Bul týraly Atyraý oblysynyń Óńirlik kommýnıkatsııalar qyzmetinde ótken brıfıngte uıymdastyrýshylar komıtetiniń ókili, bas tóreshi ıÝrıı Ponomarev málim etti.
Spıkerdiń aıtýynsha, marafonǵa qatysýshylar eki qashyqtyq boıynsha júgiredi.
«10 shaqyrym qashyqtyqqa deıin júgirý «Atyraý» halyqaralyq áýejaıynan bastaý alady. 21 shaqyrymǵa júgirý «Munaıshy» stadıonynan bastalady. Marafonǵa qatysýshylarmen birge polıtsııa men jedel járdem qyzmetkerleri, arnaıy avtobýs ta shyǵady. Sonymen qatar, joldar boıyna sý taratatyn statsıonarly pýnktter men medıtsınalyq beketter ornalastyrylady», - dep atap ótti bas tóreshi ıÝrıı Ponomarev.
Aıta ketý kerek, marafonǵa qatysamyn deýshilerdi tirkeý áli de jalǵasýda. Búginge deıin tirkelgen eń egde marafonshynyń jasy 74-te.
Aýqymdy sport merekesin qoldaý maqsatynda Atyraýǵa Gınness rekordtar kitabyna jeti ret engen áıgili marafonshy Marat Jylanbaev, Olımpıada chempıony Olga Shıshıgına jáne estrada juldyzy Qaırat Nurtas arnaıy keledi.
6 mamyr kúni oblys ortalyǵyndaǵy «Munaıshy» stadıonynda Qaırat Nurtastyń kontserti ótedi.
Baıan Januzaqova
