Gınnes rekordtar kitabyna álemdegi eń qymbat balmuzdaq engizildi
TOKIO. QazAqparat - «Aq tún» dep atalatyn muzdatylǵan desert – bıakýıanyń quny qazirgi ýaqytta 880 myń ıen nemese 6380 dollardy quraıdy, dep habarlaıdy QazAqparat CNN-ge silteme jasap.
Gınnes rekordtar kitabyna bul balmuzdaq álemdegi eń qymbat tátti retinde engizilgen.
Japonııanyń balmuzdaq shyǵaratyn Cellato brendiniń veb-saıtynda «aq tún» djelatto dep jazylǵan. Bul onyń ıtalııalyq ashanaǵa qatysyn meńzeıdi.
Desert qospalarynyń biri – aq trıýfel. Ol Italııanyń Alba qalasynda óndiriledi, bir kelisi 2 mln ıen nemese 14500 dollarǵa deıin jetedi.
Balmuzdaqtyń beti jeýge bolatyn «altyn» japyraqtarmen, irimshiktiń eki túrimen jáne «Sakekasýmen» - sakeni daıyndaý protsesi kezinde alynatyn pasta tárizdi qospamen bezendiriledi.
Cellato kompanııasy ókiliniń aıtýynsha, deserttiń quramyn oılap shyǵarýǵa 1,5 jyl ketken. Mundaǵy mıssııa dámdi qymbat desert daıyndaý ǵana emes, sondaı-aq aspazdyq saıahat. ıAǵnı eýropalyq qospalardy dástúrli japon taǵamdarymen úılestirý.
Cellato veb-saıtyndaǵy aqparatqa súıensek, desertti Japonııada satyp alýǵa bolady.
