Gınnes rekordy: Ózbekstanda ınjenerler bir kúnde 1946 robot qurastyrdy
ASTANA. KAZINFORM — Ózbekstanda bir kúnde 1 900-den astam robot qurastyrylyp, el Gınnes rekordtar kitabyna endi, dep habarlaıdy AZERTADJ.
Ózbekstanda jańa álemdik rekord ornatyldy – 1946 jas ınjener bir mezette 1946 robot qurastyrdy.
Agenttik ózbek BAQ-taryna silteme jasap habarlaǵandaı, bul jetistik Gınnes rekordtar kitabynyń ókilderi tarapynan resmı túrde tirkelgen.
Rekord «Muhandislik Missiyasi» («Injenerlik mıssııa») atty ınjenerlik festıval aıasynda ornatyldy.
Atalǵan nomınatsııadaǵy aldyńǵy rekord 2023 jylǵy 23 qańtarda Úndistannyń Bhopal qalasynda tirkelgen bolatyn. Ol kezde 1459 mektep oqýshysy egin egý men ósimdikterdi kútýge arnalǵan aýylsharýashylyq robottaryn qurastyrǵan edi.
Budan buryn 18 tamyzda «Jańa Ózbekstan» saıabaǵynda 2 000 jas ınjener bir ýaqytta 2 000 robot qurastyryp, iske qosatynyn habarlaǵanbyz.
Sonymen qosa Qytaıda akkordeonda sınhrondy oınaýdan Gınnestiń jańa rekordy ornatyldy.