Gımnazııa túlegi gaýhar tastary bar altyn medal aldy
ASTANA. QazAqparat - Reseıdiń Smolensk qalasyndaǵy №1 gımnazııanyń úzdik túlegi Anastasııa Nıkıforova gaýhar tastary bar altyn medal aldy.
Bul erekshe marapatty oǵan Tenıshevter atyndaǵy mádenı-kórme ortalyǵynda ótken saltanatty rásim kezinde Smolensk oblysynyń gýbernatory Alekseı Ostrovskıı tabystady, dep habarlady aımaqtyq ákimshiliktiń baspasóz qyzmetinen.
«Alty brıllıanty bar altyn medaldi Smolensk qalasynyń Prjevalskıı atyndaǵy №1 gımnazııanyń túlegi, Búkilreseılik mektep oqýshylary olımpıadalarynyń júldegeri, ıÝrıı Gagarın atyndaǵy І-shi dárejeli syılyqtyń laýreaty, knıaz Smolenskıı Roman Rostıslavovıch atyndaǵy oblystyq shákirtaqynyń stıpendıaty, sondaı-aq «Smolenşınanyń aqyldy ul-qyzdary» oqýshylardyń televızııalyq gýmanıtarlyq olımpıadasynyń qatysýshysy Anastasııa Nıkıforova aldy», - delingen habarlamada.
