Gımnastıka: Selına Jumataeva 4 jylǵa jarystan shettetildi
NUR-SULTAN. QazAqparat - Qazaqstannyń Ulttyq dopıngke qarsy ortalyǵynyń saıtynda saraptamalarynda tyıym salynǵan sýbstantsııalardyń anyqtalǵany úshin jarystan shettetilgen sportshylardyń jańartylǵan tizimi jarııalandy, dep habarlaıdy Olympic.kz.
Jarııalanǵan tizimge sáıkes, tyıym salynǵan sýbstantsııalar gımnast qyz Selına Jumataevanyń saraptama nátıjesinen tabylǵan. Jarys kezeńinde alynǵan synamada tyıym salynǵan fýrosemıd perparaty anyqtalypty. Sportshy jarystan 15.08.2018 bastap, 15.08.2022 deıin 4 jylǵa shettetildi.
Selına - kórkem gımnastıkadan halyqaralyq dárejedegi sport sheberi, Qazaqstannyń birneshe dúrkin chempıony, 2017 Azııa chempıony jáne 2015 jylǵy Azııa chempıonatynyń qola júldegeri. Qazirgi ýaqytta Selına "Juldyz" jeke mektebinde jattyqtyrýshylyq qyzmetpen aınalysady.
Esterińizge sala keteıik, Ulttyq Olımpıada komıteti dopıngti qoldaný máselelerinde qatań saıasatty ustanady jáne halyqaralyq olımpıada komıteti (HOK) men Dúnıejúzilik dopıngke qarsy agenttik (WADA) "taza" sportshylardy qorǵaý jónindegi bastamalaryna tolyq qoldaý kórsetedi.
