Gımnast Zeınolla Ydyrysov Túrkııadaǵy álem kýbogy kezeńinde kúmis medal jeńip aldy

ASTANA. KAZINFORM – Sporttyq gımnastıkadan Qazaqstan quramasynyń ókili Zeınolla Ydyrysov Antalıadaǵy (Túrkııa) álem kýbogy kezeńinde ekinshi oryn aldy.

Qazaqstandyq gımnast at snarıadyndaǵy jattyǵýda kúmis medal jeńip aldy.

Fınalda Ydyrysov tóreshilerdiń sheshimimen 13.733 upaı jınady.

Irlandııalyq Rıs Makklenagan jarys jeńimpazy atandy - 13.900 upaı. Al onyń otandasy Djeıms Hıkkı 13.566 upaımen úshinshi oryn aldy.

Aıta keteıik, qol tirep sekirý jattyǵýynyń fınalynda qazaqstandyq Roman Mamenov óner kórsetedi.

Eske salsaq, buǵan deıin gımnast Aqmaral Erekesheva Astanada ótken halyqaralyq týrnırde altyn medal alǵanyn jazǵan edik.