Gımnast Narıman Qurban Álem kýbogynyń kúmis júldesin ıelendi
ASTANA. QazAqparat - Slovenııanyń Koper qalasynda ótip jatqan sporttyq gımnastıkadan Álem kýboginiń kezeńinde qazaqstandyq Narıman Qurban ekinshi oryn ıelendi, dep habarlaıdy QazAqparat olympic.kz silteme jasap.
Sportshymyz atpen jattyǵý kezinde 14,500 upaı jınap, kúmis júldeger atandy. Narıman álem kýbogi kezeńinde japonııalyq qarsylasyna ǵana ese jiberdi.
«Ókinishke qaraı, men ózimniń bar múmkindigimdi kórsete almadym. Kúmis júldeger atanǵanym odan ári sheberligimdi arttyryp, alǵa basýyma septigin tıgizedi. Iá, óz áleýetimdi 100 paıyzǵa paıdalanǵan joqpyn. Áıtse de, sońǵy kezderi qandaı aýyrtpalyqty bastan ótkergenimdi eskersem, bul - jaqsy nátıje. Alda bıylǵy maýsymnyń eń mańyzdy dodasy - Azııa oıyndary kútip tur. Atalǵan synǵa úlken jaýapkershilikpen daıyndalyp jatyrmyn», - deıdi Narıman Qurbanov.
Aıta ketý kerek, bul Qurbanovtyń alǵashqy jeńisi emes. Ol Aýstralııada ótken Álem kýbogy kezeńinde jeńiske jetken bolatyn. Sondaı-aq, jerlesimiz tek ózi ǵana oryndaı alatyn jattyǵýymen erekshelenedi. Atpen jattyǵýda jasalatyn The Kurbanov elementin álemde Narımannan ózge eshkim oryndaı almaıdy.
