Gımnast Eva Tatsıeva jasóspirimder Olımpıadasynyń fınalynda óner kórsetti
ASTANA. KAZINFORM — Qazaqstandyq gımnast Eva Tatsıeva Dakarda (Senegal) ótip jatqan IV jazǵy jasóspirimder Olımpıadasynda jekeleı kópsaıysta óner kórsetti.
Otandasymyz jarystyń fınaldyq kezeńinde baq synady.
Tórt snarıadtaǵy jattyǵýlardyń qorytyndysy boıynsha Eva Tatsıeva 47,432 upaı enshilep, 15-orynǵa turaqtady.
54,665 upaı jınaǵan reseılik Polına Dmıtrıeva jeńimpaz atandy. Kúmis júldeni frantsııalyq Lýana Plıýsson ıelense (53,665), qytaılyq Tsı Chjýn úzdik úshtikti túıindedi (53,199).
Eske salaıyq, munyń aldynda qazaqstandyq veloshabandoz Ánel Táshbaı jasóspirimder Olımpıadasynda top jarǵanyn jazǵan edik. Otandasymyz jekeleı ýaqytqa jarysta altyn medal jeńip aldy. Ol qashyqtyqty 11 mınýt 32.57 sekýndta júrip ótti.
