Gımnast Aqmaral Erekesheva jasóspirimder arasyndaǵy álem chempıonatynyń fınalyna shyqty

ASTANA. KAZINFORM – Sofııada (Bolgarııa) kórkem gımnastıkadan jasóspirimder arasyndaǵy álem chempıonaty aıasynda irikteý kezeńiniń birinshi kúni ótti. 

Sportshylar dop jáne shyǵyrshyqtaǵy jattyǵýlarda óner kórsetti. Eki jattyǵý túrinde de qazaqstandyq Aqmaral Erekesheva birinshi oryndy ıelendi.

Gımnast shyǵyrshyqtaǵy jattyǵýda 26.400 upaı, al doppen - 25.550 upaı jınady.

19 maýsymda irikteý kezeńiniń ekinshi kúni ótedi. Fınaldyq kezeń 21 maýsymda bastalady. 

Eske sala keteıik, buǵan deıin Qazaqstan sportshylary Sıan (Qytaı) qalasynda ótken ártistik júzýden úzdik úshtikke engenin jazǵan edik.