Ǵımarattyń tóbesi opyrylyp, 5 adam qaza boldy
ASTANA. 23 naýryz. QazAqparat - Qytaıdyń Anhoı provıntsııasynda ǵımarat tóbesi opyrylyp túsip, sonyń saldarynan 3 adam qaza taýyp, 5-ýi úıindi astynda qalǵan, dep habarlaıdy 24.kz.
Sonymen qatar 6 adam túrli jaraqattarmen aýrýhaǵana jetkizildi. Ǵımaratta qurylys jumystary júrip jatqan. Apat bolǵan sátte keńsede 15-ke jýyq qurylysshy bolǵany anyqtaldy. Oqıǵa oryna qutqarýshylar jedel tartylyp, adamdardy úıindi astynan alyp shyǵýmen birneshe saǵat arpalysty. Apattyq jaǵdaıǵa ne sebep bolǵany belgisiz. Negizi Qytaıda mektepter men turǵyn úılerdiń qıraýy jıi kezdesedi. Ádette buǵan qurylys jumystarynyń sapasyz júrgizilýi sebep bolýda.
