Ǵımaratty stýdenttik jataqhanaǵa rekonstrýktsııalaý boıynsha memtapsyrys normatıvi ulǵaıtylmaq

NUR-SULTAN. QazAqparat – Nur-Sultan jáne Almatyda ǵımarattardy stýdenttik jataqhanaǵa rekonstrýktsııalaý boıynsha memlekettik tapsyrys normatıvi ulǵaıtylmaq. Bul jaıynda Májilis depýtattarynyń saýalyna QR Premer-Mınıstriniń orynbasary Eraly Toǵjanovtyń jaýabynda aıtylǵan, dep habarlaıdy QazAqparat tilshisi.

«Memlekettik-jekeshelik áriptestik aıasynda jataqhana qurylysy baǵytynyń bıznes úshin tartymdylyǵyn arttyrý is-sharalary qabyldanýda. Atap aıtqanda, ınvestorlardyń shyǵystaryn ońtaılandyrýǵa jaǵdaı jasaý maqsatynda jobalaý-smetalyq qujattama banki quryldy (www.studdom.kz - saıtynda ornalastyrylǵan), onyń ishinde 3 tıptik jataqhana jobasy ázirlegen. Sondaı-aq sátti iske asyrylǵan jeke jobalar týraly tolyq derekter bar», - delingen Eraly Toǵjanovtyń jaýabynda.

Vıtse-premer 500 oryndyq stýdenttik jataqhananyń jobalaý-smetalyq qujattamasy ázirlengenin de atap ótedi.

«Jeke ınvestorlardy qoldaý jáne yntalandyrý maqsatynda ınvestorlar úshin Almaty qalasynda jataqhanalar salýǵa memlekettik tapsyrys normatıvi bir oryn úshin 122-den 144 aılyq eseptik kórsetkishke deıin ulǵaıtyldy. Qazirgi ýaqytta Nur-Sultan jáne Almaty qalalarynda ǵımarattardy stýdenttik jataqhanaǵa rekonstrýktsııalaý boıynsha memlekettik tapsyrys normatıvin bir oryn úshin 47-den 92 AEK-ke deıin ulǵaıtý máselesi pysyqtalýda. Bul bastama respýblıkalyq bıýdjet komıssııasynyń otyrysynda qoldaý tapty. Bul is-sharalar jataqhanalar qurylysyna ınvestorlardyń jańa pýlyn tartýǵa múmkindik beredi», - dedi Úkimet basshysynyń orynbasary.