Ǵımarattardyń energetıkalyq tıimdiligin arttyrý úshin bıyl 400-den astam áleýmettik nysandarǵa energetıkalyq aýdıt júrgiziledi

Bul týraly búgin QR Parlamenti Májilisinde ótken Úkimet saǵatynda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın málim etti.

«Jylýmen jabdyqtaý salasynda negizgi kúsh ınjenerlik jelilerdiń tehnıkalyq jaı-kúıine baǵalaý júrgizýge, ǵımarattarǵa energetıkalyq aýdıt júrgizýge jáne jylýdy tutyný rejimin retteýge baǵyttalady. Osyǵan oraı, bıyl Qostanaı, Oral, Taldyqorǵan, Qyzylorda, Taraz, Qaraǵandy qalalaryndaǵy jylý jelilerine tehnıkalyq tekseris júrgizý kózdelip otyr. Bundaı tekserýlerdiń nátıjeleri ınvestıtsııalardyń negizdemesi jáne ákimdikter usynǵan jobalardy keıin irikteý úshin negiz bolady. Budan bólek, ǵımarattardyń energetıkalyq tıimdiligin arttyrý úshin bıylǵy jyl boıy áleýmettik salaǵa qarasty 400-den asa turǵyn úı ǵımarattaryna energetıkalyq aýdıt júrgiziledi. Onyń ishinde 144 nysanda syrtqy aýanyń temperatýrasyna baılanysty jylýdy tutynýdy retteý úshin avtomattandyrylǵan jylý pýnktteri ornatylady», - dedi S. Nokın. Onyń aıtýynsha, aldaǵy ýaqytta ǵımarattardy jobalaǵan jáne salǵan kezde esepteý quraldary jáne jylý energııasyn tutynýdy retteý boıynsha mindetti talaptardy belgileý sharasyna basa mán beriledi.