Ǵımarattar men qurylystardyń tóbe jabyndylary beriktigin kúsheıtý qajet - V.Bojko
ASTANA. QazAqparat - Ǵımarattar men qurylystardyń tóbe jabyndylary beriktigin kúsheıtý qajet. Bul týraly búgin QR Parlamenti Májilisindegi Úkimet saǵatynda atalǵan vedomstvonyń basshysy Vladımır Bojko málim etti.
Jeldiń ǵımarat shatyrlaryn ushyrý jaǵdaıy jıi oryn alatyndyǵyn atap ótken mınıstr: «2013 jyly qatty jáne daýyldy jelge baılanysty oryn alǵan 35 tótenshe jaǵdaıda 10 adam jaraqattandy. 1338 ǵımarat pen qurylystyń shatyry qırady. Olardy qaıta qalpyna keltirýge QR respýblıkalyq bıýdjetinen 3 mlrd. teńge bólindi», - dedi.
Onyń atap ótýinshe, bul faktiler tóbe jabyndylarynyń beriktigine barynsha kúsh salýdy talap etedi.
«2006-2013 jyldary paıdalanýǵa berilgen ǵımarattar men qurylystar jabyndylarynyń zaqymdalýy alańdaýshylyq týǵyzady. Bul qurylys salýshy uıymdardyń shatyr jabyndylaryn sapasyz salǵandaryn dáleldeı túsedi», -dedi V.Bojko.
