Gımalaıdyń soltústigindegi júzdegen týrıst qalyń qarǵa baılanysty evakýatsııalandy
ASTANA.KAZINFORM - Qytaıdyń Tıbet avtonomııalyq aýdanynda qalyń jaýǵan qar qursaýynda qalǵan týrıster baılanysqa shyqty. Olardyń keıbiri óz betimen qaýipsiz aımaqqa túsip úlgergen, dep habarlaıdy CCTV.
Sońǵy málimetter boıynsha, jaıaý serýendeý kezinde aýa raıynyń qolaısyzdyǵynan qalyp qoıǵan 350 týrıst Tsıýıdan aýylyndaǵy qutqarý ortalyǵyna jetken. Olardyń jaǵdaıy qanaǵattanarlyq dep baǵalanyp, barlyǵy qaýipsiz jerge ornalastyryldy.
Qazirdiń ózinde baılanysqa shyqqan 200-den astam týrıst qutqarý qyzmeti men jergilikti bıliktiń baqylaýymen jaqyn arada birtindep qaýipsiz aımaqtarǵa kóshiriletin bolady.
4 qazanǵa qaraǵan túni Gımalaıdyń soltústik betkeıinde teńiz deńgeıinen shamamen 4500 metr bıiktikte ornalasqan Qytaıdyń Tıbet avtonomııalyq aýdanyndaǵy Dınjı ýezine qar jaýdy. Aýa raıynyń kúrt nasharlaýy birneshe týrıstik toptyń baǵytyn buzdy. Jergilikti bılik evakýatsııalaý jumystaryn uıymdastyrý jáne qajetti kómek kórsetý úshin qutqarý toptaryn jiberdi.
Aıta keteıik, 102 jastaǵy japon azamaty Fýdzı shyńyna shyǵyp, Gınnestiń rekordtar kitabyna endi.