Gımalaıdaǵy lagerdi qar kóshkini basyp qaldy: 14 adam iz-túzsiz joǵaldy
ASTANA. KAZINFORM — Gımalaıdaǵy Hımlýng-Hımal taýy mańyndaǵy lagerdi qar kóshkini basyp, Nepaldyń keminde 14 azamaty iz-túzsiz joǵalyp ketti, dep habarlaıdy Kazinform agenttigi TASS-qa silteme jasap.
TASS Kathmandu Post gazetine silteme jasap habarlaǵandaı, joǵalǵandardyń barlyǵy — ekspedıtsııalyq toptyń nepaldyq múshesi. Olardyń arasynda sherpalar, gıdter jáne qyzmet kórsetýshi personal bar.
Olarmen baılanys jeksenbi kúni tańerteń úzilgen.
Oqıǵa kezinde lagerde sheteldik týrıster bolmaǵan. Sebebi olar lagerge áli kelmegen, olardyń bes-alty kúnnen keıin jetýi kerek edi.
Qolaısyz aýa raıy qutqarý jumystaryna kedergi keltirip otyr. Tikushaqtar daıyn tur, alaıda ázirshe usha almaıdy.
Eske salaıyq, buǵan deıin Kabardın-Balqarııadaǵy qar kóshkininen qaza tapqan alpınıster sany 15-ke jetkenin habarlaǵan edik.
