Gımalaıda tórt týrıst boran saldarynan qaza tapty
ASTANA. QazAqparat - Nepaldaǵy Gımalaı taýlarynda qatty borannan 4 týrıst qurban boldy, taǵy 14 adam qutqaryldy. Qaza bolǵandardyń arasynda eki polıak, bir ızraıldik pen bir nepaldyq bar, dep habarlady Bı-Bı-Sı.
Qatty jaýǵan qar men borannyń astynda týrıster Gımalaıda, Katmandýdan soltústik-batysqa qaraı 200 shaqyrym jerde qalǵan.
Nepaldaǵy aýa raıynyń qolaısyzdyǵy «Hadhad» tsıklonyna baılanysty. Ol Úndistannyń shyǵys jaǵalaýyna birneshe kún buryn jetken bolatyn qazir Nepalda týrıstik maýsym qyzyp tur.
