Gımalaıda qurǵaqta 400 metr qashyqtyqqa deıin sý izdeı alatyn balyq, túshkiretin maımyl tabyldy
ASTANA. QazAqparat - Dúnıejúzilik jabaıy tabıǵat qorynyń ǵalymdary óz jańalyqtary jazylǵan baıandama jarııalady. Bıologtar men zoologtar Býtan, Nepal, Úndistannyń soltústik-shyǵysyndaǵy, Bırmanyń soltústik jáne Tıbettiń ońtústik bóligindegi tabıǵatty zerttegen.
Alǵashqy ekspedıtsııa 2009 jyly Tıbet ústirtiniń shyǵys bóligine attanǵan.
Zertteý kezinde ǵalymdar ósimdiktiń 133 jańa túrin, balyqtyń 26 túrin, 39 omyrtqasyz jáne 10 qosmekendini tapty. Sondaı-aq qustyń, reptılııa men sútqorektilerdiń bir túri tabyldy.
Ǵalymdar kógildir qurbaqa, túshkiretin maımyl men qurlyqta júre alatyn balyqty atap ótti.
Tabylǵan maımyldyń ereksheligi - jaýynnyń sýy janýardyń murnyna tıgende ol túshkire bastaıdy. Sondaı-aq ǵalymdar qurǵaqshylyq kezderinde sýdy 400 metr qashyqtyqqa deıingi aralyqta izdeı alatyn balyqty atap ótti, dep jazdy informing.
