Gımalaıda qar kóshkini bolyp, 7 týrıst kóz jumdy

ASTANA. KAZINFORM — Úndistannyń Gımalaı taýlarynda qar kóshkini saldarynan 7 adam qaza tapty. Taǵy bir adam iz-túzsiz joǵalǵandar qatarynda, dep habarlaıdy Anadolu.

Gımalaıda qar kóshkini bolyp, 7 týrıst kóz jumdy
Foto: Anadolu

Qaıǵyly oqıǵa Ýttarakhand shtatyndaǵy Kedartal aımaǵynda bolǵan. Týrıster toby taýǵa joryqqa shyqqan. Alaıda qalyń qar jaýyp, birneshe ret qar kóshkini júrýine baılanysty 7 adam taýly aımaqta qalyp qoıǵan.

Ekspedıtsııaǵa qatysqan 4 adamdy qutqarýshylar aman alyp shyqty. Іzdestirý jumystary kezinde 7 adamnyń máıiti tabyldy. Al sońǵy joǵalǵan týrısti izdeýge qolaısyz aýa raıy men taýly jerdiń kúrdeli bederi kedergi keltirip otyr. Keıbir aýdandarda qardyń qalyńdyǵy 3,7 metrge jetken.

Qaza tapqandardyń denesi aldymen bazalyq lagerge jetkizilip, odan keıin tikushaqpen Ýttarkashı qalasyna tasymaldanyp jatyr.

Jergilikti bılik oqıǵanyń mán-jaıyn anyqtaý úshin tergeý júrgizýdi tapsyrdy. Onyń qorytyndysyn bir apta ishinde jarııalaý josparlanǵan.

Qazirgi ýaqytta joǵalǵan týrısti izdeý jumystary jalǵasyp jatyr.

Buǵan deıin Gımalaıdaǵy lagerdi qar kóshkini basyp qalyp, 14 adam iz-túzsiz joǵalǵan bolatyn.