Gımalaıda adasyp qalǵan taıvandyq 47 kúnnen keıin aman tabyldy
ASTANA. QazAqparat - 47 kún buryn Gımalaıda joǵalyp ketken taıvandyq Lıan Shen-ıÝe tiri tabyldy, dep habarlady The Guardian.
21 jastaǵy saıahattaýshy men onyń qurbysy 19 jastaǵy Lıý Chen-Chýn 10 naýryzda habar-osharsyz joǵalyp ketken. Demalysta júrgen olar qarly boranda qalyp qoıady. Yqtap júrip olar jaqyn aýylǵa jetýge úmittenip, betkeı boıynsha ózen jaǵasymen júrip otyrǵan. Sóıtip tuıyqqa tirelgen.
Olar baılanysqa shyqpaǵan soń, ata-analary izdeı bastaıdy. Jigittiń ákesi Nepalǵa ushyp kelip, tikushaqty jalǵa alyp, olardy izdeýge shyǵady. Іzdeý sharalary eki aptaǵa sozylady jáne sátsiz bolady.
Jas jigitti qutqarýshylar Tıplıng aýyly mańynan teńiz deńgeıinen 2600 metr bıiktikte tapty. Qurbysy Lıan Shen-ıÝe qutqarýshylar kelmeı turyp, úsh kún buryn qaıtys bolǵan.
Associated Press azyq-túlik ekeýine birneshe kúnge ǵana jetkenin aıtady. Sodan keıin jastar tuz, qar, sýmen qorektengen. 47 kúnde jigit 30 keli joǵaltqan. Onyń basy bıttep, aıaǵy qurttaı bastaǵan. Soǵan qaramastan, dárigerler onyń jaǵdaıyn qalypty dep baǵalaýda.
