Gımalaıda 8 bal jer silkinisi bolady dep kútilýde
ASTANA. QazAqparat - Gımalaıda kez kelgen sátte 8.0 magnıtýdaly qýatty jer silkinisi oryn alýy múmkin. Ol Gımalaı silemin tolyqtaı joıyp jiberýi múmkin, dep habarlaıdy planetanovosti.com. 4 qańtarda úndistandyq Manıpýr shtatynda sezilgen iri jer asty dúmpýlerinen keıin Úndistan Іshki ister mınıstrliginiń sarapshylary osyndaı eskertý jarııalady.
Indostan men Bırman tektonıkalyq qyrtystarynyń soqtyǵysýy saldarynan qazirgi sátte óńirde sońǵy birneshe on jylda bolmaǵan iri seısmıkalyq oqıǵa qaýpi artyp otyrǵany baıqalýda. Burynǵy jer asty dúmpýi saldarynan jarylǵan plıtalardy dúısenbidegi tektonıkalyq qozǵalys ajyratyp jatyr.
Mamandar apat V aımaǵyndaǵy seısmıkalyq qaýipti aımaqtardy ǵana emes, 11 mıllıon halqy bar Úndistan astanasyn da qamtýy múmkin dep otyr. Mundaı jaǵdaıǵa úkimettiń ázir emestigin esepke alsaq, bul jer silkinisi orasan shyǵynǵa ákelýi yqtımal.
