Gımalaı ekspedıtsııasynyń Everest shyńyn baǵyndyrǵanyna 35 jyl toldy
ASTANA. QazAqparat - Keńes kezeńinde jasaqtalǵan Gımalaı ekspedıtsııasyna bıyl 35 jyl boldy, dep jazady «Habar 24».
1982 jyly 11 alpınıst álemdegi eń bıik Everest shyńyn baǵyndyrdy. Olardyń úsheýi qazaqstandyq alpınıster Valerıı Hrışatyı, Qazbek Valıev jáne ıÝrıı Golodov bolatyn. Shyń basyna oǵan deıin eshkimniń tabany tımegen edi. Al qazaqstandyq qaısar jigitter óte kúrdeli ońtústik-batys qabyrǵasymen órmelep shyqty. Sodan beri 35 jyl ótse de áli kúnge deıin bir de bir alpınıst olardyń erligin qaıtalaı almaı keledi.
8 848 metrlik bıiktikti eńserýge daıyndyq ta ońaı bolǵan joq. 16 adamnan turatyn komanda quramyna qabyldanýǵa 300-den astam talapker nıet bildirgen. Taýǵa shyǵýǵa daıyndyq 1979 jyldan bastap júrgizilgen. Osy ýaqyt aralyǵynda alpınıster túrli medıtsınalyq, psıhologııalyq jáne fızıkalyq jattyǵýlar men tekserýlerden ótken.
ıÝrıı Golodov,:
«Barlyq synaqtardyń nátıjesinde men ekspedıtsııa quramyna qabyldandym. Biraq qatty qýanyp, erekshe sezim bolǵan joq. Óıtkeni shyǵý qandaı qıyn bolsa, túsý odan da eki ese aýyr bolatynyn sezdim. Tek ózińniń qorqynyshyńdy jeńip ǵana qoımaı, ózge áriptesterińniń de barlyq qımyl-qozǵalysyn qadaǵalap, baqylap otyrýyń kerek. Sebebi bir shalys qadam barlyǵyn búldirýi múmkin», - deıdi 1982 jylǵy Gımalaı ekspedıtsııasynyń qatysýshysy.
