Ǵylymı jobalardyń 70%-dan astamy maqalalar men kitaptar shyǵarýmen aıaqtalady - Antıkor
ASTANA. KAZINFORM - Mıllıardtaǵan dollarlyq ınvestıtsııaǵa qaramastan, ǵylymı jobalardyń 70%-dan astamy praktıkalyq paıda ákelmeı, maqalalar men kitaptar shyǵarýmen aıaqtalady. Bul týraly Antıkorda Bilim jáne ǵylym salasyndaǵy jemqorlyq táýekelderin joıý baǵytynda ótken jıynda aıtyldy.
Jıynda jobalardy irikteý protsesi ashyq emes, olardyń saraptamasy formaldi túrde júrgiziletini, naqty nátıjeler úshin jaýapkershilik joq ekeni aıtyldy.
Sonymen qatar 2016 jyldan bastap memleket ǵylymı jobalardy kommertsııalandyrýǵa shamamen 32 mlrd teńge jumsady, olardyń edáýir bóligi málimdelgen maqsattarǵa qol jetkize almady.
Naqty ǵylymı jumystyń ornyna qarajat zertteýlerge baılanysty emes shyǵyndarǵa ketedi, joba bıýdjetteri negizsiz kóteriledi.
Ǵylymı taǵylymdamalarǵa granttar berý máselelerinde de eleýli jemqorlyq táýekelderi anyqtaldy.
Buǵan deıin bıýdjetti josparlaý jáne ıgerý kezeńderinde pedagogterdiń eńbegine aqy tóleý qorynan qarajat jymqyrýdyń júıeli faktileri ashylǵany týraly habarladyq.