Ǵylymı zertteýlerge bólingen qarajat depozıtterge ornalastyrylǵan - JAP

ASTANA. KAZINFORM – Ǵylymı zertteýlerge jáne tájirıbelik-konstrýktorlyq jumystarǵa arnalǵan qarajat tolyq ǵylymǵa baǵyttalmaıdy. Bul týraly Quryltaı otyrysynda Joǵary aýdıtorlyq palata tóraǵasy Álıhan Smaıylov aıtty.

Novye stavkı po valıýtnym depozıtam mogýt poıavıtsıa v Kazahstane do kontsa oktıabrıa
Foto: Kazinform/II

- Ǵylymı zertteýlerge jáne tájirıbelik-konstrýktorlyq jumystarǵa jumsalatyn 1 paıyzdyq tetik qoldanbaly ǵylymnyń tolyqqandy quraly bola almaı otyr. Salalyq mınıstrlikter is júzinde qoldanbaly zertteýlerge tapsyrys berýshi emes, jer qoınaýyn paıdalanýshylardyń esepterin tirkeýshi rólin atqardy. Mindettemelerdiń oryndalýy tıisti deńgeıde baqylanbady, - dedi palata tóraǵasy.

Álıhan Smaıylovtyń dereginshe, 147 kelisimshart boıynsha 9 mlrd teńgege jýyq bereshek anyqtaldy. Onyń 3 mlrd teńgesi talap qoıý merziminiń ótýine baılanysty bıýdjetke túspeıdi. 4,5 mlrd teńgeniń mindettemeni oryndamaýǵa qatysty 45 habarlamasy boıynsha talap-aryz jumystary júrgizilmegen. Ǵylymı zertteýlerge jáne tájirıbelik-konstrýktorlyq jumystarǵa arnalǵan qarajat is júzinde tolyq kólemde ǵylymǵa baǵyttalmaǵan.

- Mysaly, Astana Habta 43 mlrd teńge túsimniń 23 mlrd teńgesi baǵaly qaǵazdardy satyp alýǵa jumsalǵan. “Samǵaý” 15 mlrd teńgeniń 10 mlrd teńgesi depozıtter men REPO operatsııalaryna ornalastyrylǵan. Osy operatorlardyń atalǵan qarjylyq operatsııalardan túsken tabysy 14 mlrd teńgeden asty. Bul rette ǵylymı jobalardy bastaý merzimi 215 kúnge deıin, al keıbir jaǵdaılarda 2,5 jylǵa deıin sozylǵandyǵyn atap ótken jón. Nátıjesinde ǵylymı zertteýdiń 1 paıyz tetigi jetkilikti deńgeıde saraptama, esepke alý, monıtorıng jasalmaı, rastalǵan ǵylymı nátıjesiz, shashyrańqy jumys isteıdi, - dedi ol.

Aıta keteıik, kommertsııalandyrýdyń qoldanystaǵy modeli ǵylymı nátıjeniń turaqty ónimge aınalýyn qamtamasyz etpeı otyr.