«Ǵylymı taǵylymdamalar» baǵdarlamasy boıynsha qujattardy qabyldaý merzimi uzartyldy

ASTANA. KAZINFORM - Halyqaralyq deńgeıde tájirıbe almasýǵa baǵyttalǵan «Ǵylymı taǵylymdamalar» baǵdarlamasyna qujattar qabyldaý merzimi 2025 jylǵy 19 qarashaǵa deıin uzartyldy, dep habarlady «Halyqaralyq baǵdarlamalar ortalyǵy» aktsıonerlik qoǵamy.

- Ǵylymı taǵylymdama – tek shetelde bilim jetildirý emes, ol – álemdik ǵylymı qaýymdastyqpen baılanys ornatý, jańa ádistemeler men ınnovatsııalyq tehnologııalardy meńgerý, zertteý baǵytyn halyqaralyq deńgeıge kóterý jolyndaǵy mańyzdy qadam. Óz áleýetińdi júzege asyrý múmkindigin jiberip alma – halyqaralyq ǵylymı tájirıbeniń qatysýshysy bol! - delingen habarlamada.

Úmitkerlerge qoıylatyn talaptar:

Tómendegi sanatqa jatatyn Qazaqstan Respýblıkasynyń azamattary:

• ǵylym doktory, ǵylym kandıdaty, sondaı-aq PhD / beıindik doktor nemese magıstr akademııalyq dárejesine ıe bolýy;
• tańdaǵan ǵylymı mamandanýy boıynsha sońǵy 12 aıda úzdiksiz kásibı qyzmet atqarýy (akkredıttelgen ǵylymı jáne (nemese) ǵylymı-tehnıkalyq qyzmet sýbektilerinde);
• qabyldaýshy uıymnan shartsyz shaqyrý hatynyń (qarjylyq talaptardy qospaǵanda) bolýy;
• memlekettik tildi meńgerýdiń V1 ne odan joǵary deńgeıde (QAZTEST nemese Qazaq RESMI TEST) emtıhan tapsyrǵany týraly resmı sertıfıkattyń bolýy;
• shet tilin meńgerýdiń qajetti eń tómen deńgeıiniń (mysaly, aǵylshyn tili – IELTS: 5.0; Duolingo: 80; TOEFL IBT: 35) bolýy;
• ǵylymı jarııalanymdarynyń bolýy.

Qujattar onlaın formatta nemese qolma-qol qabyldanatynyn eskertemiz.

Ǵylymı taǵylymdamadan ótý konkýrsyna qatysý úshin qujattardy onlaın qabyldaý myna silteme arqyly júzege asyrylady: 

Tolyq aqparat pen qosymsha suraqtar boıynsha «Halyqaralyq baǵdarlamalar ortalyǵynyń» AQ resmı saıtynda tanysa alasyz: