Ǵylymı qoǵamdastyqqa Ulttyq ǵylym akademııasynyń jańa prezıdenti tanystyryldy
ASTANA. KAZINFORM – Almaty qalasynda Prezıdenttiń ishki saıasat máseleleri jáne kommýnıkatsııalar jónindegi kómekshisi Rýslan Jeldibaı ǵylymı qoǵamdastyqqa QR Ulttyq ǵylym akademııasynyń jańa basshysy Aqylbek Qajyǵululy Kúrishbaevty tanystyrdy - dep jazdy Aqorda.
Aýyl sharýashylyǵy ǵylymdarynyń doktory, akademık Aqylbek Kúrishbaev bul laýazymǵa Qazaqstan Respýblıkasynyń Prezıdenti Qasym-Jomart Toqaevtyń 2024 jylǵy 22 qańtardaǵy ókimimen taǵaıyndaldy.
Rýslan Jeldibaı Ulttyq ǵylym akademııasynyń burynǵy prezıdenti Kúnsulý Zakarııaǵa atqarǵan jumysy úshin alǵys aıtyp, Memleket basshysynyń Ǵylym jáne ınnovatsııalar jónindegi keńesshisi laýazymyndaǵy qyzmetine tabys tiledi.
Іs-sharaǵa QR Ulttyq Ǵylym akademııasynyń aktıvi, ǵylymı uıymdardyń basshylary men akademıkter qatysty.
Jıynda Qazaqstan ǵylymynyń aldynda turǵan mindetter, ǵylymnyń qoldanbaly sıpatyn kúsheıtý jáne el ekonomıkasyna ǵylymı ázirlemelerdi engizý máseleleri talqylandy.
Sonymen qatar ǵalymdar Ǵylym akademııasynyń negizin qalaýshy Qanysh Sátbaevtyń 125 jyldyq mereıtoıy aıasynda uıymdastyrylatyn is-sharalarǵa qatysty óz usynystaryn jetkizdi.
