Ǵylymǵa 60,4 mlrd teńge: 2027 jyly qandaı jobalar qarjylandyrylady
ASTANA. KAZINFORM — 2027 jyly bilim jáne ǵylym salasyna 60,4 mlrd teńge bólinip, stýdentterge jataqhana salynady jáne JOO támamdaǵan jastardy jumyspen qamtý kórsetkishi artady. Bul týraly Qarjy vıtse-mınıstri Abzal Beısenbekuly málim etti.
Onyń aıtýynsha, bilim jáne ǵylym salasynda sapaly standarttar engizilip keledi. 18 myń bala saýyqtyrý jáne ońaltýmen qamtylady, 76 myń ustazdyń biliktiligi artady jáne «Keleshek mektepterinde» bilim berý deńgeıi men sapasyn arttyratyn ádisnama ázirlenedi.
— Stýdentter, magıstranttar men doktoranttar úshin jataqhanalarda qosymsha 25 myń oryn qosylady. Túlekterdi jumysqa ornalastyrýǵa erekshe kóńil bólinedi. Máselen, JOO bitirgennen keıingi birinshi jyly jumysqa ornalasatyn túlekterdiń úlesi 79%-ǵa deıin ósýge tıis, — dedi Abzal Beısenbekuly.
Sondaı-aq, 2027 jyly ǵylymdaǵy jańa jobalar toptamasyna 60,4 mlrd teńge kózdelgen, bul 2026 jylmen salystyrǵanda 18,4 mlrd teńgege artyq.
— Osylaısha, adamı kapıtalǵa jumsalatyn shyǵystar — bul jaı ǵana áleýmettik shyǵystar emes. Bul memleket tarapynan adamnyń ómir súrý sapasyn arttyrýǵa baǵyttaıtyn tikeleı shyǵystar, — dedi Qarjy vıtse-mınıstri.
Aıta keteıik, Qarjy vıtse-mınıstri Abzal Beısenbekuly Quryltaıda «2027-2029 jyldarǵa arnalǵan respýblıkalyq bıýdjet týraly» Zań jobasyn tanystyrdy.
Elimizde kelesi jyly áleýmettik kómekke 6,9 trln teńge bólinedi.
Sondaı-aq, 11 jastaǵy uldarǵa vaktsına salynady.
