Ǵylymdy tsıfrlandyrý: Oljas Bektenov naqty úsh tapsyrma júktedi
ASTANA. KAZINFORM – QR Premer-mınıstri Oljas Bektenov Úkimet otyrysynda ǵylymdy tsıfrlandyrý baǵytynda birqatar tapsyrma berdi.
— Otandyq ǵylymnyń tıimdiligin arttyryp, ınvestıtsııalyq tartymdylyǵynyń barlyq protsesteri ashyq bolýyn qamtamasyz etý úshin jumystardy barynsha jandandyrý qajet bolady, - dedi Úkimet basshysy.
Sondaı-aq ol mynandaı tapsyrmalar berdi:
1. Ǵylym mınıstrligi múddeli memlekettik organdarmen birlesip, ǵylym ınstıtýttary men ınnovatsııalyq óndiristerdiń aýmaqtyq shoǵyrlanýyn eskere otyryp, ǵylymı qalashyqtar qurý tujyrymdamasyn ázirleýi tıis.
2. Ákimdikter Ulttyq ekonomıka, Ǵylym, Qarjy mınıstrlikterimen birlesip, óńirler bólinisinde ǵylymdy damytý jónindegi is-sharalardy dekompozıtsııalaý jumysyn júrgizýi qajet. Árbir ákimdik ǵylymı-tehnologııalyq sessııalar ótkizip, ǵylymdy damytý jóninde keshendi sharalar qabyldaýy tıis.
3. Ǵylym jáne Tsıfrlandyrý mınıstrlikteri jyldyń sońyna deıin tsıfrlyq ǵylym portalyn iske qosýy tıis. Onda barlyq ǵylymı jobalardyń, granttardyń, zertteý nátıjeleri men jarııalanymdardyń derekqorlaryn ıntegratsııalaý kerek. Ǵylymı zertteýler men ázirlemelerdi engizý úshin jasandy ıntellekt tehnologııalaryn da paıdalý qajet.
Bul tapsyrmalardyń júzege asyrylýy QR Premer-mınıstriniń orynbasary Ermek Kósherbaevqa júkteldi.
Osyǵan deıin ǵylym salasyndaǵy 19 bıznes-protseske reınjınırıng júrgizilgeni týraly jazdyq.