Ǵylym jáne ınnovatsııa departamentiniń dırektory aýysty
ASTANA. KAZINFORM — Marat Imanalıev Sý resýrstary jáne ırrıgatsııa mınıstrliginiń Ǵylym jáne ınnovatsııa departamentiniń dırektory bolyp taǵaıyndaldy, dep habarlaıdy vedomstvonyń baspasóz qyzmeti.
Marat Imanalıev 1974 jylǵy 16 mamyrda dúnıege kelgen. Ol Ál-Farabı atyndaǵy Qazaq memlekettik ulttyq ýnıversıtetin «Hımııa» mamandyǵy boıynsha, al M.H. Dýlatı atyndaǵy Taraz óńirlik ýnıversıtetin «Eldi mekenderdi sýmen jabdyqtaý jáne sý burý» mamandyǵy boıynsha támamdaǵan.
Eńbek jolyn 1991 jyly Ál-Farabı atyndaǵy Qazaq memlekettik ulttyq ýnıversıtetiniń hımııa fakýltetinde zerthanashy bolyp bastaǵan.
2005-2006 jyldary Qazaqstan Respýblıkasy Aýyl sharýashylyǵy mınıstrliginiń Sý resýrstary komıtetine qarasty «Qazagromelıovodhoz» respýblıkalyq ádistemelik ortalyǵynda aldymen birinshi sanatty, keıin joǵary sanatty maman qyzmetin atqardy.
2006-2018 jyldary Aýyl sharýashylyǵy mınıstrliginiń, Qorshaǵan ortany qorǵaý mınıstrliginiń jáne Qorshaǵan orta jáne sý resýrstary mınıstrliginiń Sý resýrstary komıtetinde jumys istep, bas sarapshy laýazymyna deıin kóterildi.
2018-2023 jyldary Sý resýrstary komıtetiniń Sý qoryn paıdalaný jáne qorǵaý salasyndaǵy memlekettik baqylaý basqarmasynyń basshysy boldy.
2023-2024 jyldary Sý resýrstary jáne ırrıgatsııa mınıstrliginiń Sý sharýashylyǵy komıtetinde Toptyq sý qubyrlaryn damytý basqarmasyn basqardy.
2024 jyldan bastap osy ýaqytqa deıin QR Sý resýrstary jáne ırrıgatsııa mınıstrliginiń Sý saıasaty departamenti dırektorynyń orynbasary qyzmetin atqaryp keldi.
Marat Imanalıev 2017 jyly «Eren eńbegi úshin» medalimen, 2020 jyly «Qazaqstan Respýblıkasynyń Konstıtýtsııasyna 25 jyl» mereıtoılyq medalimen marapattalǵan. Al 2022 jyly «Sý sharýashylyǵynyń úzdigi» tósbelgisine ıe boldy.
Buǵan deıin Almaty oblysy ákiminiń orynbasary taǵaıyndalǵanyn jazǵan edik.
