Ǵylym salasyndaǵy 19 bıznes-protseske reınjınırıng júrgizildi
ASTANA. KAZINFORM – Ǵylym salasyndaǵy 19 bıznes-protseske reınjınırıng júrgizildi. Sonyń arqasynda memlekettik qyzmet alý merzimi 15 kúnge deıin qysqarǵan. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.
- Qazirgi ýaqytta ǵylym salasynda memlekettik qyzmettiń 12 túri kórsetiledi, olardyń barlyǵy onlaın-formatta qoljetimdi. 2024 jyldyń qorytyndysy boıynsha 15 myńnan astam memlekettik qyzmet kórsetildi. Onyń 95%-y elektrondyq formatta kórsetilgen. Tsıfrlyq transformatsııa sheńberinde eń kóp suranysqa ıe 19 bıznes-protsesterge reınjınırıng júrgizildi, - dedi ol Úkimet otyrysynda.
Spıkerdiń aıtýynsha, reınjınırıng nátıjesinde bıznes-protsesterdiń tıimdiligi 70%-ǵa ósken.
—Buryn akkredıtteý týraly kýálik alý nemese syılyqaqy men stıpendııaǵa ótinim berý úshin Azamattarǵa arnalǵan úkimettiń aýmaqtyq bólimshelerine nemese mınıstrliktiń keńsesine jeke júginý qajet bolatyn. Endi ótinimderdi berý onlaın júzege asyrylady. Sonyń arqasynda tolyq avtomattandyrý kezinde ótinimderdi qaraý merzimi 15 kúnge deıin qysqardy. Sondaı-aq, biz qaǵaz sertıfıkattar men kýrerlik qyzmetterdi tolyǵymen alyp tastadyq. Bul memlekettik bıýdjetti 150 mln teńgege únemdeýge múmkindik berdi, - dedi Jaslan Mádıev.
Osyǵan deıńn bıyl jas ǵalymdarǵa 140 baspana tegin beriletini týraly jazdyq.