Ǵylym mınıstrligi oqýshylarǵa mamandyq tańdaýǵa qalaı kómektesedi

ASTANA.KAZINFORM – Qazaqstanda jastardyń bolashaq mamandyǵyn sanaly túrde tańdaýy úshin «Mamandyǵym – bolashaǵym» jobasy júzege asyrylyp jatyr. Bul týraly QR Ǵylym jáne joǵary bilim mınıstrligi Kazinform agenttigine habarlady.

Mınıstrliktiń málimetinshe, joba aıasynda jańa jáne transformatsııalanatyn mamandyqtar anyqtalyp, EduNavigator.kz platformasy arqyly oqýshylarǵa profdıagnostıkalyq testileý usynylady.

– Platforma oqýshylardyń qabileti men qyzyǵýshylyǵyn anyqtaýǵa kómektesip, olarǵa laıyqty mamandyqtar men bilim berý uıymdaryn usynady, – dep atap ótti vedomstvodan.

2022-2024 jyldar aralyǵynda Almaty, Jetisý, Pavlodar, Mańǵystaý, Qaraǵandy, Aqtóbe, Aqmola jáne Jambyl oblystarynda 100,6 myńnan astam oqýshy kásibı dıagnostıkalyq testileýden ótti. Nátıjesinde 55 paıyzy joǵary oqý ornyna, 25 paıyzy kolledjge túsýdi josparlap otyrǵanyn kórsetken.

Oqýshylar arasynda suranysqa ıe baǵyttar:

• bıznes, basqarý jáne quqyq – 29%;

• ınjenerlik, óńdeý jáne qurylys salalary – 11%;

• jaratylystaný ǵylymdary, matematıka jáne statıstıka – 9%;

• densaýlyq saqtaý jáne áleýmettik qamsyzdandyrý – 8%;

• aqparattyq-kommýnıkatsııalyq tehnologııalar – 8%;

• óner jáne gýmanıtarlyq ǵylymdar – 7%;

• pedagogıkalyq ǵylymdar – shamamen 5%.

Sonymen qatar oqýshylardyń 19 paıyzy áli de mamandyq tańdaýda qınalyp júrgenin aıtqan.

Bolashaq talapkerlerdi eń aldymen kásibı mańyzdy qasıetteri týraly aqparat (38%) jáne mamandyqtyń qandaı pánderdi oqytatyny men eńbek jaǵdaılary (30%) qyzyqtyrady. Sonymen qatar, olar tańdaǵan mamandyq boıynsha qaıda oqýǵa bolatynyn (21%) jáne ol mamandyqtyń eńbek naryǵynda qanshalyqty suranysqa ıe ekenin (18%) bilýge yntaly.

Sondaı-aq olardy bolashaqtyń suranysqa ıe mamandyqtary (22%), jeke qabiletterin baǵalaý ádisteri (13%), álemdegi mamandyqtar (15%) jáne jalaqy deńgeıine qatysty taldaý (8%) qyzyqtyrady.

Zertteý nátıjesine sáıkes, oqýshylardyń 43 paıyzy aqparatty ınternetten izdeıdi, al kásibı baǵdar berý sharalarynyń ishinde maman ıelerimen kezdesýlerdi (25%) jáne mamandyq tańdaýǵa arnalǵan testterdi (22%) kórgisi keledi.

Mınıstrlik bastamasy jastarǵa bolashaq mamandyǵyn sanaly túrde tańdaýǵa múmkindik berip otyr. Alaıda, oqýshylardyń belgili bir bóligi áli de kásibı baǵdarlaýda qıyndyq kórip otyrǵany baıqalady.

Eske salaıyq Halyqaralyq jastar kúni jáne jumysshy mamandyqtar jyly aıasynda «Jastar bolashaǵy – jarqyn Qazaqstan» atty respýblıkalyq jastar forýmy jumysyn bastaǵanyn jazǵanbyz.