Ǵylym mınıstrligi oqytýshyny pyshaqtaǵan stýdentke qatysty túsinikteme berdi

ASTANA. KAZINFORM — Ǵylym jáne joǵary bilim vıtse-mınıstri Gúlzat Kóbenova Almatyda oqytýshyny pyshaqtaǵan stýdentke qatysty túsinikteme berdi. 

— Árıne, mundaı jaıtqa jol berýge bolmaıdy. Qalaı degende de bul oqý orny ári eń basty mindet — oqý protsesi men bilim sapasyn qamtamasyz etý. Atalǵan jaǵdaıda bul stýdent pen oqytýshy arasynda bolǵan jeke jaıt. Bizdiń aqparatymyz boıynsha, oqytýshy, onyń janynda bolǵandar birden durys áreket etken. Oqytýshy búginde jumysyna qaıta kiristi, jumys ornynda, — dedi ol Senatta BAQ ókilderiniń saýalyna oraı.

Onyń aıtýynsha, stýdentke qatysty másele zańnamada belgilengen tártippen qaralyp, sodan keıin ǵana tıisti shara qoldanylady.

— Ýnıversıtet bul máseleni sózsiz qaraıdy, Ádep jónindegi keńesi bar. Ol jerde qaýipsizdik nashar boldy dep aıta almaımyn, — dedi vıtse-mınıstr.

Buǵan deıin Almatydaǵy ALT University stýdenti oqytýshyny pyshaqpen jaraqattaǵanyn jazǵan edik.