Ǵylym mınıstrligi blogerler ótkizetin kýrstardyń sapasyn teksermeıdi

ASTANA. KAZINFORM — QR Ǵylym jáne joǵary bilim vıtse-mınıstri Darhan Ahmed-Zakı blogerlerdiń aqyly negizdegi sapasyz bilim berý kýrstaryna qatysty pikir aıtty.

Ғылым министрлігі блогерлер өткізетін курстардың сапасын тексермейді
Фото: «Бурабай-Даму» ЖШС баспасөз қызметі

Búgin Senattyń jalpy otyrysynan keıingi baspasóz máslıhatynda blogerlerdiń osyndaı kýrstaryn Ǵylym mınıstrliginiń qadaǵalaýy múmkindigi týraly surady. 

Óz kezeginde vıtse-mınıstr bul suraq Ǵylym mınıstrliginiń quzyretine jatpaıtynyn aıtty. 

— Blogerlikpen aınalysý buqaralyq aqparat quraly salasyna qatysty. Ǵylym jáne joǵary bilim mınıstrligi ǵylymdy nasıhattaýǵa atsalysyp, ǵylymmen aınalysýdyń mańyzdylyǵyn ilgeriletip júrgen áriptesterimen tyǵyz baılanysta jumys istep keledi. Sondyqtan biz oǵan qarsy eshqandaı aldyn alý sharalaryn qabyldamaımyz jáne bul bizdiń quzyretimizge jatpaıdy, — dedi D. Ahmed-Zakı.

Eske salsaq, byltyr kúzde elimizde resmı túrde 745 bloger tirkelgeni málim boldy. Olar 2024 jyldyń 9 aıynda memleketke 1,2 mlrd teńgeden astam salyq tóledi. 

Сейчас читают