Ǵylym mınıstri jasandy ıntellektini oqý protsesine engizýge qatysty túsinik berdi
ASTANA. KAZINFORM – AI-Sana baǵdarlamasy aıasynda 440-tan astam JI-agent ázirlendi. Bul týraly Úkimet otyrysynda Ǵylym jáne joǵary bilim mınıstri Saıasat Nurbek málim etti.
- Bizdiń mindet – stýdent ýnıversıtetke túsken kúnnen bastap dıplom alǵanǵa deıingi barlyq negizgi protsesti bir júıege biriktirý. Qazirdiń ózinde UBT sertıfıkaty eGov júıesinde qoljetimdi, AI-proktorıng jáne AI-Talapker iske qosylǵan. Stýdentter men túlekter týraly negizgi derekter Joǵary bilim berýdiń biryńǵaı platformasynda jınaqtalady. Kelesi kezeń – AI-Admission, AI-Onboarding, jeke bilim berý traektorııasy, tsıfrlyq quzyretter profıli, AI-Library, AI-psıholog jáne AI-Career sekildi JI-sheshimderdi oqý protsesine engizý, - dedi S. Nurbek.
Onyń aıtýynsha, bul baǵytta bastapqy baza qalyptasty. AI-Sana baǵdarlamasy aıasynda 440-tan astam JI-agent ázirlendi. Aldaǵy oqý jylynda baǵdarlamanyń 3-shi jáne 4-shi kezeńderi júzege asyrylady.
Buǵan deıin habarlanǵandaı, bıyl stýdentter sany 740 myńnan asady.
