Ǵylym mınıstr qaterli isikke qarsy otandyq dárini tirkeýge qatysty túsinik berdi
ASTANA. KAZINFORM – Qazir qaterli isikke qarsy otandyq dáriniń dozırovkasy aıqyndalyp jatyr. Bul týraly Úkimet otyrysynda Ǵylym jáne joǵary bilim mınıstri Saıasat Nurbek málim etti.
- Klınıkalyq synaqtardyń ekinshi kezeńi Astanada jalǵasyp jatyr. Onkologııalyq ortalyqta preparattyń dozırovkasy aıqyndalyp jatyr, ıaǵnı aǵzanyń osy dozırovkaǵa rekatsııasy zertteledi. Jyl sońyna deıin osyny aıaqtap, dárilik zatty aldyn ala tirkeýge ótinim berýge tyrysamyz, - dedi S. Nurbek.
Onyń aıtýynsha, preparatty tirkeýge qatysty arnaıy rásim bar. Osy oraıda Densaýlyq saqtaý mınıstrligine qarasty Ulttyq ortalyq barynsha qoldaý kórsetip otyr.
- Olar klınıkalyq zertteýlerdiń ekinshi kezeńi boıynsha rastalǵan nátıjelerdi kútip otyr. Derekterdi rastap, júıege engizgennen keıin jáne olar tıisti tekserýden ótken soń, preparatty tirkeýge qatysty ótinim berýdi bastaımyz. Atap aıtqanda, qazir sońǵy kezeńniń aldyndaǵy satyda turmyz, - dedi mınıstr.
Osy oraıda tilshiler atalǵan dári qashan paıda bolatynyn surady.
- Keler jylǵa josparlanyp otyr. Sebebi jyl sońyna deıin tıisti rásimderdi aıaqtaýymyz qajet. Densaýlyq saqtaý mınıstrligimen jumystardy pysyqtaýymyz shart, - dedi vedomstvo basshysy.
Buǵan deıin Qazaqstanda qaterli isikke qarsy dári klınıkalyq synaqtyń ekinshi kezeńine ótkenin jazǵan edik.
