Ǵylym myqty bolsa, memleket te qýatty bolady - Qasym-Jomart Toqaev
ASTANA. KAZINFORM - Ǵalymdar otanymyzdyń ǵylymı-tehnıkalyq damý kóshin bastaýy kerek. Sebebi, ǵylym myqty bolsa, memleket te qýatty bolady. Bul týraly Prezıdent Qasym-Jomart Toqaev Ǵylym jáne tehnologııalar jónindegi ulttyq keńestiń otyrysynda aıtty, dep habarlaıdy Aqordanyń baspasóz qyzmeti.
«Ǵylymdy damytý – elimiz úshin strategııalyq mańyzy bar basymdyq. Ásirese daryndy, qabiletti jastardyń ǵylymmen aınalysýyna jaǵdaı jasaý óte mańyzdy.
Jasampazdyq, jańashyldyq, bilimpazdyq jáne ǵylymǵa qushtarlyq – naǵyz ozyq elge kerek basty qasıetter. Men Atyraýda ótken Ulttyq quryltaı otyrysynda osy máselege arnaıy toqtaldym. Biz tutas qoǵam bolyp ǵylymdy jan-jaqty nasıhattaýǵa kúsh salýymyz kerek. Ǵylymǵa qyzyǵýshylyqty mektepten bastap oıatqan jón. Tutas qoǵam bolyp ǵylym-bilimdi dáripteýimiz kerek. Qajet bolsa, arnaıy qujatty daıyndaımyz. Ǵylym jáne joǵary bilim mınıstrine osy máseleni pysyqtaýdy tapsyramyn.
Qazir Parlamentte «Ǵylym jáne tehnologııalyq saıasat týraly» zań jobasy talqylanyp jatyr. Bul zań ǵylymnyń damýyna zor serpin beredi dep senemin. Jalpy bilim men ǵylymǵa ozyq halyqaralyq tájirıbe aýadaı qajet», - dedi Prezıdent.
Sondaı-aq, Memleket basshysy ǵalymdar oılap tapqan jobalardyń ıgiligin búkil elimiz kórýi kerek ekenin aıtty.
«Sizder álemniń úzdik ǵylymı ortalyqtarynda bolyp, tájirıbe jınaqtap júrsizder. Kezinde halqymyzdyń kórnekti tulǵalary men qaıratkerleriniń de aǵartýshylyqpen aınalysqany tegin emes.
Qazir jas ǵalymdardyń zamany týdy. Sizder usynǵan, oılap tapqan jobalardyń ıgiligin búkil elimiz kórýi kerek. Bir sózben, sizder sııaqty ǵalymdar otanymyzdyń ǵylymı-tehnıkalyq damý kóshin bastaýy kerek. Sebebi, ǵylym myqty bolsa, memleket te qýatty bolady. Ǵylymsyz el qurdymǵa ketedi. Al ǵylymy ozyq el kez kelgen daǵdarysty eńsere alady. Ǵylym órkendese, ekonomıka da órkendeıdi. ıAǵnı halyqtyń ál-aýqaty artady.
Túptep kelgende, ǵylym azamattardyń turmysyn – sapaly, bolashaǵyn – jarqyn etýge tıis. «Ádiletti Qazaqstan – Adal azamat – Ozyq oıly ult» bolamyz desek, osy maqsatty júzege asyrýymyz kerek. Memleket pen ǵylymı qaýymdastyq bul jumysty jumyla atqarady dep senemin», - dedi Memleket basshysy.
Odan bólek, Qasym-Jomart Toqaev qazir el birligi, mamandardyń kásibıligi synǵa túsip jatqanyn atap ótti.
«Ashyǵyn aıtsaq, elimizde kóp jyl boıy qordalanǵan másele áli de az emes, túrli saladaǵy túıtkilder sheshilmedi. Sonyń saldaryn endi kórip jatyrmyz.
Qalaı desek te, aldymyzda – bir ǵana jol bar. Biz barlyq máseleni mindetti túrde sheshýimiz qajet. Bul – zamannyń da, halyqtyń da talaby. Júıeli jumys istesek, barlyǵy ornyna keledi dep oılaımyn. Dál qazir jasalǵan is-árekettiń ıgiligin erteń keıingi urpaq kóredi. Sondyqtan bizge zor jaýapkershilik júktelip otyr. Bárimiz bir jaǵadan bas, bir jeńnen qol shyǵaryp adal eńbek etýimiz kerek.
Halqymyz budan da kúrdeli kezeńderdi eńsergen. Bárin berekeli birliktiń arqasynda jeńe bilgen. Qazirgi jaýapty sátte de myzǵymas yntymaǵymyz aıqyn kórinip otyr. Osy aýyzbirshiligimizden aıyrmasyn, barlyǵyn da eńseremiz.
Qazaq «Jamandyq kórmeı, jaqsylyq bolmas» deıdi. Eldiń birligi de, mamandardyń kásibı deńgeıi de osyndaı syn saǵatta shyńdalady. Qazir myńdaǵan memlekettik qyzmetshi qutqarýshylarmen, volonterlermen birge kúndiz-túni jumys istep jatyr. Olar apattyń aldyn alý, adamdardy qutqarý jáne tasqynnyń saldaryn joıý úshin eńbek etip júr. Ár azamattyń shynaıy otanshyldyǵy naqty is júzinde baıqalyp jatyr. Halyqqa qyzmet etý – paryz. Al qıyn-qystaý sátte týǵan el úshin adal qyzmet etý – qasıetti borysh», - dep túıdi sózin QR Prezıdenti.
