Ǵylym men mádenıet qaıratkerleri úshin jańa nagrada taǵaıyndaldy
ASTANA. KAZINFORM – Prezıdent Qasym-Jomart Toqaev «Ál-Farabı» ordenin taǵaıyndaý týraly Jarlyqqa qol qoıdy.
Memleket basshysynyń 2026 jylǵy 20 sáýirdegi sheshimimen bekitilgen bul nagrada ulttyq zııaly qaýym ókilderi men ǵylym jolyndaǵy azamattardyń eńbegin ulyqtaýdy kózdeıdi.
Qujatqa sáıkes, Úkimetke «Qazaqstan Respýblıkasynyń memlekettik nagradalary týraly» zańǵa tıisti tolyqtyrýlar engizý tapsyryldy.
— Memlekettik nagrada — «Ál-Farabı» ordeni taǵaıyndalsyn. Qazaqstan Respýblıkasynyń Úkimeti osy Jarlyqtan týyndaıtyn ózge de sharalardy qabyldasyn, — delingen resmı qujatta.
Jańa ordenniń syrtqy kelbeti men dızaınyn ázirleý Qazaqstan Respýblıkasynyń Ulttyq bankine júktelgen.
Jarlyq qol qoıylǵan kúnnen bastap kúshine endi.
Aıta keteıik, bul týraly Memleket basshysy Qasym-Jomart Toqaev ǵalymdardy marapattaý rásiminde aıtqan bolatyn.
