«Ǵylym aptalyǵy» aıasynda elimizde 100-den astam is-shara ótedi
ASTANA. KAZINFORM - 12 sáýir – elimizde mańyzdy kún — «Ǵylym qyzmetkerleri kúni» atalyp ótedi. Bul týraly Qazaqstan Respýblıkasy Ǵylym jáne joǵary bilim mınıstrliginiń baspasóz qyzmeti habarlady.
Osyǵan oraı Ǵylym jáne joǵary bilim mınıstrligi jyl saıyn otandyq ǵylym men bilimniń jetistikterine nazar aýdartýǵa baǵyttalǵan dástúrli «Ǵylym aptalyǵy» aıasynda aýqymdy is-sharalar baǵdarlamasyn uıymdastyrady.
«Ǵylym aptalyǵy» aıasynda elimizde 100-den astam is-shara ótedi. Olardyń ishinde dárister, konferentsııalar men kórmeler bar. Bul is-sharalar jańa zertteýlermen qatar ǵalymdarymyzdyń eńbekterimen jaqynyraq tanysýǵa múmkindik beredi.
Apta aıasyndaǵy negizgi is-sharalar:
7 sáýir — Abai University-de «Bilim berýdegi VR/AR tehnologııasy» ǵylymı zerthanasynyń saltanatty ashylýy
7 sáýir — D.Serikbaev atyndaǵy ShQTÝ-da «EKTU SCIENCE WEEK» baǵdarlamasynyń tusaýkeseri
10 sáýir — QR Prezıdenti janyndaǵy Ulttyq Ǵylym akademııasynda Ǵylym qyzmetkerleri kúnine arnalǵan saltanatty is-shara
10 sáýir — L.Gýmılev atyndaǵy EUÝ-da «Jas ǵalym» forýmy
11 sáýir — «Qazaqstannyń mádenı murasy: arheologııa men qoǵamdyq ǵylymdardyń ózara is-qımyly» taqyrybynda dóńgelek ústel
12 sáýir — Q.Sátbaev eskertkishine gúl shoqtaryn qoıý
12 sáýir — Ozyq fýnktsıonaldyq materıaldar men olardyń kompozıtteriniń halyqaralyq ǵylymı-zertteý ortalyǵynyń saltanatty ashylýy
12 sáýir — «Injenerlik jáne óndiristik júıelerdegi jasandy ıntellekt: protsesterdi ońtaılandyrý jáne avtomattandyrý sheshimderi» halyqaralyq konferentsııasy.
Aıta ketelik «Farabi hub» - ǵylymdy óndiriske engizýdi jedeldetedi.