Ǵylym akademııasy Astanaǵa kóshirile me – Kúrishbaevtyń jaýaby

ASTANA. KAZINFORM – QR Prezıdenti janyndaǵy Ulttyq akademııasynyń prezıdenti Aqylbek Kúrishbaev Jibek Joly telearnasynyń «Ýáde» baǵdarlamasynda Almatydaǵy ǵylymı akademııanyń ǵımaraty kimniń menshiginde qalatynyn aıtty.

Endi ol – tarıhı ǵımarat. Sátbaevtyń akademııasy ornalasqan jer bolǵandyqtan jumys sonda uıymdastyrýdyń múmkindigi bar. Astanaǵa kóshirý týraly josparym joq. Basshylarda da jospar joq shyǵar dep oılaımyn. Óıtkeni ol ǵylym orda ǵoı, - dedi Aqylbek Kúrishbaev.

Akademııa prezıdenti ǵylymdy uıymdastyrý isinde isten góri ádemi esepter kóbeıip ketkenin synady.

- Qazir ǵylymda ádemi slaıdtar kóbeıip ketti. «Ǵylymdy damytyp jatyrmyz», «osyndaı ózgerister bolyp jatyr» dep ádemilep kórsetemiz. Ol durys qoı, biraq, endi sol slaıdtardan iske kóshýimiz kerek. Biz sózden iske aýystyq. Akademııanyń janynan belgili sheteldiń ǵalymdary bar, óz ǵalymdarymyz bar, sarapshylar ortalyǵyn qurdyq. Osy ortalyqta ǵylymdy damytpaı turǵan tejegish, óndiriske enýine kedergi bolyp turǵan máselelerdi anyqtap, usynystardy Ǵylym jáne joǵary bilim mınıstrligine berip otyrmyz. Osy arqyly biraz másele ashyldy.

Eske salsaq, bıyl 27 naýryzda «Qazaqstan Respýblıkasynyń Ulttyq ǵylym akademııasy» respýblıkalyq qoǵamdyq birlestiginiń taratylatyny resmı málimdelgen bolatyn.