«Gıl 12 raýndqa shydas bermeıdi» - Golovkın
ASTANA. QazAqparat - Orta salmaqta WBA (Super) jáne IBO chempıony Gennadıı Golovkın kelesi qarsylasy aýstralııalyq Denıel Gıl 12 raýnd boıy aıaǵynda tura alady degenge kúmándanyp otyr, dep habarlaıdy Tofight.ru.
Eki boksshynyń arasyndaǵy jekpe-jek 27 shildede tańerteń Nıý-Iork qalasynda 20 myń oryndyq Madison Square Garden arenasynda ótpek. Gennadıı Golovkınniń aıtýynsha, bul kezdesý oǵan synaq bolmaq. "Bul men úshin jaqsy synaq, biraq men ol 12 raýndqa jalǵasady dep eseptemeımin", - dedi Golovkın. Eske salaıyq, 2008 jyldan beri qazaqstandyq boksshynyń aldyna kelgen birde-bir boksshy sońǵy raýndqa deıin jetpegen. 29 jekpe-jektiń 26-sy nokaýtpen aıaqtaldy. Golovkın-Gıl jekpe-jegin qazaqstandyq kórermender KazSport pen "Qazaqstan" telearnalarynan tikeleı efırde tamashalaı alady.
