Gıgıena buıymdary qymbattaı ma – Baqyt Sultanov jaýap berdi
Ortalyq kommýnıkatsııalar qyzmetinde ótken brıfıngte jýrnalıst mınıstrden: «Keı sarapshylar Qazaqstanda turmystyq hımııa men gıgıena buıymdarynyń qymbattap, jetistpeıtinin aıtyp otyr. Osyndaı tapshylyqqa tap kelip otyrmyz ba? Onyń aldyn alý úshin ne istelip jatyr?», - dep surady.
«Siz aıtyp otyrǵan saraptama zertteýleri túrli sıpatta bolýy múmkin. Jalpy aıtsaq, qazirgi tańda logıstıka ózgerip jatyr. Munyń tek azyq-túlik taýaryna ǵana emes, tutyný taýaryna da qatysy bar. Biraq gıgena buıymdaryna baılanysty qandaı da bir problema kórip turǵan joqpyz», - dedi Baqyt Sultanov BAQ ókiliniń suraǵyna bergen jaýabynda.
Onyń aıtýynsha, atalǵan taýardyń negizgi bóligi syrttan alynatyndyqtan, teńgerim saqtaý deıtin másele joq kórinedi.
«Mysaly, qantqa qatysty jaǵdaıda bizge ózimizdiń óndirýshilerdiń usynysy men ımporttyń arasynda teńgerim saqtaý kerek edi. Al gıgıena zattary negizinen syrttan ákelinedi. Ol kanaldardy erte bastan qaıta qaradyq, jetkizý geografııasy ózgerip úlgergen. Bul jerde biz tapshylyqqa ákeletindeı qandaı da bir problema kórip otyrǵan joqpyz»,- dedi Baqyt Sultanov.
Aıta keteıik, ortalyq kommýnıkatsııalar qyzmetinde ótip jatqan brıfıngte QR Premer-Mınıstriniń orynbasary – Saýda jáne ıntegratsııa mınıstri Baqyt Sultanov pen Aýyl sharýashylyǵy mınıstri Erbol Qarashókeev qantty qanshalyqty jıi qoldanatynyn aıtty.
