Gıdroskýter tizgindeýge shekteý engizilýi múmkin

ASTANA. KAZINFORM – Ortalyq kommýnıkatsııalar qyzmetinde ótken baspasóz máslıhatynda Kólik mınıstrligi Temirjol jáne sý kóligi komıteti tóraǵasynyń orynbasary Qasym Tilepovke gıdroskýterlerdiń qaýipsizdigi týraly suraq qoıyldy.

«Qazaqstanda gıdroskýter júrgizýshilerine qoıylatyn talapty kúsheıtý týraly usynystar aıtylyp júr. Kólik mınıstrligi gıdroskýter tizgindeýge shekteý engizýdi usyna ma?», - dep surady BAQ ókili.

Komıtet basshysy qaýipsizdik máselesi birinshi orynda bolǵandyqtan, vedomstvo bul máseleni tyńǵylyqty pysyqtap jatqandaryn aıtty.

«Bul máseleni qazir pysyqtap jatyrmyz. Sý kóligi qaýpi joǵary kólik túri bolyp esepteledi. Sondyqtan jazda skýterlerdi paıdalaný boıynsha túrli aktsııalar ótkizip júrmiz. Shaǵyn sý kóligine ıelik etetin kez kelgen adamda ony tizgindeýge quqyq beretin kýálik bolý kerek. Bul qaýipsizdik máselesi bolǵandyqtan erejeni qatańdatý máselesin pysyqtap jatyrmyz. Naqty aıtsaq, shaǵyn sý kóligin júrgizýshilerge qoıylatyn talap kúsheıtiledi», - dedi Qasym Tilepov.