Gıdrotehnıkalyq qurylystardyń tek 20 paıyzy ǵana memleket menshiginde - B.Beknııaz
Jalpy, atalǵan vedomstvo aqparatyna qaraǵanda, qazirgi ýaqytta quqyqtyq, qarjylyq jáne basqa da máselelerdiń keshendi sheshilmeýi saldarynan elimizdegi gıdrotehnıkalyq qurylystardyń qaýipsizdigin qamtamasy etý mańyzdy máselege aınalyp otyr. Elimizdegi gıdrotehnıkalyq qurylystardyń 49 paıyzy kommýnaldyq menshik, al 31 paıyzy jekemenshik ıeliginde tur. Olardyń basym bóligi jańǵyrtylmaǵan ne bolmasa jóndelmeı óz resýrsyn tolyǵymen paıdalanǵan qaýiptigi joǵary nysandar bolyp otyr.
«Memleket menshiligindegi barlyq gıdrotehnıkalyq qurylystar Sý resýrstary komıtetiniń turaqty baqylaýyna alynǵan. Bizde Qazaqstannyń barlyq óńirlerin qamtıtyn fılıaldary bar qýatty paıdalanýshy uıym bar jáne aǵymdaǵy jylǵy kóktemgi sý tasqynyn bizdiń qurylystar ornalasqan ózenderdi tótenshe jaǵdaısyz ótkizdik. Al bizdiń gıdrotehnıkalyq qurylystar joq ózenderde tótenshe jaǵdaı sıpatyndaǵy problemalar oryn aldy»,- dedi B.Beknııaz.