Gıdrotehnıkalyq qurylystar qaýipsizdiginiń jol kartasyn daıyndaý qajet - senator
ASTANA. QazAqparat - Úkimeti deńgeıinde Qazaqstandaǵy gıdrotehnıkalyq qurylystardyń qaýipsizdigi týraly arnaıy jol kartasyn daıyndaý qajet. Bul jaıynda QR Parlamenti Senatynyń deptýtaty Álı Bektaevtyń Premer-Mınıstr Baqytjan Saǵyntaevtyń atyna joldaǵan depýtattyq saýalynda aıtylǵan, dep habarlaıdy QazAqparat.
Bul jaıynda QR Parlamenti Senatynyń deptýtaty Álı Bektaevtyń Premer-Mınıstr Baqytjan Saǵyntaevtyń atyna joldaǵan
«Shynynda da sońǵy 10 jyldyń kóleminde elimizdiń árbir óńirlerindegi eldi mekenderdi sý basyp, turǵyndardyń úılerine, joldar men kópirlerge, basqa da ǵımarattarǵa qaýip tóndirgen jaǵdaılar jıi qaıtalanýda. Tańqalarlyǵy, sý basqan eldi mekenderdiń kópshiligine tótenshe qaýip sý qoımalarynan nemese úlken ózender arnasynan emes tolassyz jaýǵan jańbyrdyń ne bolmasa erigen qar sýlarynyń jınalý esebinen oryn alyp otyr», - dedi Álı Bektaev.
Senatordyń aıtýynsha, topan sý alǵan eldi mekenderdi zertteýlerdiń nátıjesi sońǵy 25 jyl kóleminde turǵyn úı men kommertsııalyq nysandarynyń jappaı salynýyna baılanysty aımaqtardyń landshaftynyń aıtarlyqtaı ózgergenin kórsetken. Josparsyz salynǵan qurylystardyń saldarynan eldi mekenderdiń ırregatsııalyq júıeleri isten shyǵyp, gıdrotehnıkalyq qurylystary buzylǵan. Aryq-atyzdar kúl-qoqysqa tolyp, sý ótkizý qabiletteri tómendegen. Jańadan túsip jatqan kóptegen móltekaýdandarda qaýipsizdik talaptary eskerilmeı, sý burýǵa arnalǵan bógetter salynbaǵan. Arnaıy jergilikti mańyzy bar avtokólik joldaryndaǵy qubyrlardyń kólemi talapqa saı kelmeıdi. Eldi mekenderge jaqyn ornalasqan 1094 gırotehnıkalyq qurylǵynyń 34-iniń kimge qaraıtyndyǵy belgisiz, 363-i kúrdeli jóndeýdi qajet etedi. 560-qa jýyq sý qoımasynyń 108-i ıesiz, al 211-i jeke menshikte.
«Elimizdegi sý sharýashylyǵy nysandarynyń, gıdrotehnıkalyq qurylymdar men qurylǵylardyń, eldi mekenderdegi ırregatsııalyq júıelerdiń jaǵdaıyna turǵyndardyń qaýipsizdigi, turmys-tirshiligi, ekonomıka salalarynyń ósip-órkendeýi tikeleı baılanysty ekendigin eskere otyryp, tótenshe jaǵdaılardyń aldyn alý maqsatynda: brinshiden, ár óńirdegi sý sharýashylyǵy nysandarynyń jaı-kúıin, olardyń tehnıkalyq sıpattamalary men múmkindikterin, jumys isteý jaǵdaıyn, qaýip-qater dárejesi men jaramdylyǵyn anyqtaý maqsatynda mamandandyrylǵan uıymdardy tarta otyryp, ınventarızatsııadan ótkizýdi, alynǵan málimetter negizinde qaýiptilik deńgeıine qaraı sý nysandarynyń ortaq katologyn jasaýdy; ekinshiden, Qazaqstandaǵy barlyq gıdrotehnıkalyq nysandardy menshigine qaramaı tolyq memlekettik tirkeýge alýdy, múddeli taraptardyń qoljetimdiligin qamtamasyz etý maqsatynda sý sharýashylyǵy nysandarynyń biryńǵaı aqparattyq bazasyn qurýdy; úshinshiden, óńirlerdegi baıyrǵy sý mamandaryn qatystyra otyryp, árbir eldi mekendegi ırrıgatsııa júıelerdiń jaǵdaıyn zertteýdi, sý ótkizý qabiletterin anyqtap, ırrıgatsııalyq júıeler kartasyn jasaýdy, sol arqyly aýyldarda, kentterde, móltekaýdandarda bolýy múmkin tótenshe jaǵdaılardyń aldyn alý sharalaryn qarastyrýdy; tórtinshiden, QR Úkimeti deńgeıinde Qazaqstandaǵy gıdrotehnıkalyq qurylystardyń qaýipsizdigi týraly arnaıy jol kartasyn daıyndap, olardy jóndeý, qaıta jóndeý, ırrıgatsııalyq júıelerdi qalpyna keltirý úshin tıisti qarajat bóldirýdi usynamyn», - dedi Álı Bektaev.
