Gıdrometeorologııalyq monıtorıng ortalyǵy aýa raıy buzylady dep eskertý jasady
ASTANA. Naýryzdyń 22-si. QazAqparat - Naýryzdyń 21-i men 24-i aralyǵynda, Gıdrometeorologııalyq monıtorıng ortalyǵynyń málimeti boıynsha, eldiń soltústik, ortalyq jáne shyǵys oblystarynda boran soǵady. Ońtústik jáne batys oblystarynda da kúndiz jel turyp, túnde tuman túsedi.
Osyǵan baılanysty, Tótenshe jaǵdaılar mınıstrligi adamdarǵa jaqyn arada jolǵa shyqpaýǵa keńes beredi jáne Respýblıka gıdrometeorologııalyq qyzmet habarlandyrýlaryn eskerýlerin suraıdy, dep habarlaıdy QazAqparat.
QR Kólik jáne kommýnıkatsııa mınıstrliginiń «Qazaqavtojol» RMK dıspetcherlik qyzmeti táýlik boıy jabylǵan avtomobıl joldary jóninde halyqty aqparattandyryp otyrady. Baılanys telefondary - (7172) 23-89-25, 23-89-34. Osyndaı dıspetcherlik qyzmetter jumysy barlyq aýmaqtarda jumys atqarýda.
Sonymen qatar, Joldar boıynsha shuǵyl aqparat «Qazaq radıosy», «NS» jáne «Avtoradıo» radıo arnalary boıynsha berilip, mınıstrliktiń www.mtk.gov.kz saıtynda ornalastyrylady.
