Gıbraltar boks federatsııasy World Boxing quramyna endi
ASTANA. KAZINFORM - Gıbraltar ulttyq boks federatsııasy halyqaralyq olımpıadalyq komıteti moıyndaǵan World Boxing quramyna enip, atalǵan uıym quramyndaǵy memleketter sany 176-ǵa jetti.
Bul uıymǵa dúnıejúzilik kóptegen sporttyq sharany uıymdastyrý mindeti júktelgen..
Halyqaralyq uıymnyń atqarýshy komıteti Gıbraltar Ulttyq boks federatsııasynyń ótinishin maquldady.. Qazirgi tańda oǵan 123 tolyqqandy múshe jáne 52 maquldanǵan múshe bolyp otyr.
Halyqaralyq federatsııa 2023 jyly sáýir aıynda quryldy. 2025 jyldyń qarasha aıynda bul uıym tizginin qazaqstandyq tájirıbeli maman jáne belgili boksshy Gennadıı Golovkın ustady.
Onyń ókilettik merzimi 3 jylǵa sozylady. ıAǵnı, Los-Andjeles Olımpıadasyna deıin jalǵasady.
Oǵan deıin atalǵan qyzmetti nıderlandtyq Borıs van der Vorst atqarǵan edi.
Bıyl federatsııa tarapynan uıymdastyrylatyn kóptegen sporttyq sharalar engizilgen. Olardyń qatarynda Azııa jáne Eýropa chempıonattary, jazǵy Azııa oıyndary bar. Sondaı-aq World Boxing ótken jyldaǵy sekildi álem kýbogyn ótkizýdi josparlap otyr.
Eske salsaq, Jánibek Álimhanuly álemniń úzdik boksshylary reıtınginde «Kanelodan» ozdy.
