Prezıdent Ghtpbltyn Defense Tech qorǵanys pen qaýipsizdik salasyndaǵy ınnovatsııalardy qoldaý ortalyǵyn kórdi
ASTANA. KAZINFORM – Prezıdent Qasym-Jomart Toqaevqa Qazaqstan Respýblıkasynyń Qorǵanys mınıstrligi qolǵa alǵan Defense Tech jobasy tanystyryldy, dep habarlaıdy Aqorda.
Defense Tech bastamasy Qarýly Kúshterdiń jáne ulttyq qaýipsizdik júıesiniń qajettiligi úshin otandyq tehnologııalyq sheshimderdi anyqtaý, irikteý jáne jedel damytý jónindegi ınnovatsııalyq ekojúıe qurýdy kózdeıdi.
Joba aıasynda ınnovatsııalyq komandalarmen jáne ǵylymı-tehnıkalyq uıymdarmen turaqty jumys mehanızmi qalyptasady.
Astana Hub alańynda Defense Tech úılestirý keńsesi uıymdastyrylǵan. Bul Qorǵanys mınıstrligi, tehnologııalyq kásipkerler, ǵylymı uıymdar jáne ındýstrıaldyq seriktester arasyndaǵy baılanysty qamtamasyz etedi.
Bastamany ilgeriletý aıasynda Almatydaǵy Armııa Úıi bazasynda mýltıfýnktsıonaldy ınnovatsııalyq hab – Defense Tech IT Park qorǵanys tehnologııalary ortalyǵy ashyldy.
Munda otandyq ІT kompanııalar men startap komandalardyń qorǵanys pen qaýipsizdik salasyndaǵy ozyq tehnologııalyq sheshimderi men perspektıvti ázirlemeleri usynylǵan.
Aıta keteıik, Qasym-Jomart Toqaev Presight AI-dyń Qazaqstandaǵy tsıfrlyq sheshimderdi damytýǵa qosqan úlesin joǵary baǵalady.
